منتدى مدرسة ميت الخولى مؤمن

منتدى مدرسة ميت الخولى مؤمن

منتدى مدرسة ميت الخولى مؤمن
 
الرئيسيةالتسجيلدخول

شاطر | 
 

 طبعى كده فمتزعليش !!!!!

اذهب الى الأسفل 
كاتب الموضوعرسالة
ابراهيم العدل
مراقب المنتديات التعليمية والشعر
avatar

عدد المساهمات : 10
تاريخ التسجيل : 09/10/2009

مُساهمةموضوع: طبعى كده فمتزعليش !!!!!   الإثنين 02 نوفمبر 2009, 8:47 pm


قلب له شوك
---------------

إنسان غريب طبعي كده فمتزعليش

أنا كل همى في الحياه إنى أعيش

أب حنون وأحلم أكون إنسان مثالى

طبعى كده

ومن كتر ما صابنى الجنون بِهْرَب خيالى

أنا كنت قبلك من زمان شيطان رجيم

أعشق خطاوى المشى فى سكك الهلاك

أكره خيالى إن شفته يوم انعوج بقى مستقيم

طول عمرى عايش من قبل ماجوز ملاك

أكتب غناوى العشق فوق جسد الحريم

كل ذنوب المخلوقات أدمنتها

ولما قلت أعمل رجيم

رفعت إيدى للسما

وناديت على رب إبراهيم

جايلك يارب المحرومين لجل الصلا

اسمى ( ابراهيم ) وأبويا كان راجل وفى

طول عمره عايش وسطنا أب وحكيم

من غير رساله كان نبى

كان كل همه فى الحياه اركب معاه

والعن واسب فى الشيطان

اللى السبب منه الطوفان

كان صوته من جوه السفينه اللى استوت فوق المياه

واللى بكى فيها الخشب من كتر ماسمعت بكاه

وأبويا من خوفه بنادى يا ابراهيم 00

راح توصل الميه لسماه

وانبح صوته م النَّدا

كان صوت أبويا م السفينه من كتر خوفه بقولى 00 آه

لكنى من كثرة ذنوبى انكسفت اركب معاه

وقلت له يا اطيب نبى بالدمع لا

هو عشان جاى الغرق

ادخل بدون نطق الشهاده والصلاه

وطلعت أجرى ع الجبل

وبيجرى من خلفى العصاه

بصيت لقيت فوق الجبل كل الطغاه

رافعين إيديهم للسما عايزين حياه

لجل ما يقيموا الصلاه لجل الإله

ووقفت من فوق الجبل

انظر جموع الغرقانين طالبين رضاه

كل اللى سجدوا للشيطان حتى ( هُبَل )

خلى الطوفان طال الجبل من طول بكاه

ولقيته بينادى العصاه

يا ابراهيم 00 مفيش نجاه

يا ابراهيم 00 مفيش نجاه


******

وفى عز لحظات الغرق

مسكت فى جناح الملاك

وهو طالع للسما من بعد ماخلص هلاك

خدنى معاك لربنا أسجد هناك

وحياة محمد والنبى مالى سواك

إنشلنى من بحر الهلاك

وافتح لى أبواب السفينه

من بعد ماتمنح رضاك


******

فمتزعليش إن كنت حسيتى الجفا فــ لحظة غرام

أو كف إيدى صار خشب وقت السلام

أصل الشيطان من كتر ما اتلق بحجر أصبح إمام

عمال بنادى فى ابراهيم بيقول حرام

******

فمتخجليش إنك تقولى إن ابراهيم إنسان جبان

مقدرش يكتب غنوتك جوه الديوان

أو حتى يرسم قلب حبه جنب قلبه ع الحطيان

أصل ابراهيم إنسان غريب

رغم إنه ياما صار حبيب

معرفش يكدب مره واحده وادعى إنه طبيب

يعرف يداوى المجروحين

حتى لو كان الحبيب

******

فمتزعليش كلمه أخيره

أصل ابراهيم جوه قلبه أعظم أميره

من يوم ماشافها أعلنت إن الجزيزه

محرومه من صنف الحريم حتى لو كانت وزيره

موش عايزه فيها أى واحده همهما تبقى الأميره

علشان كده سابت ممالك أهلها

ومن يوم لقانا أعلنت تبقى أسيره

فمتزعليش منى أنا

ونيابة عن أحلى أميره

شكرا لقلبك

واشكرك إن تقولى إن ابراهيم إنسان جبان

----------------------------

بقلم / ابراهيم العدل
الرجوع الى أعلى الصفحة اذهب الى الأسفل
مروان
مدير عام المنتدى
مدير عام المنتدى
avatar

عدد المساهمات : 636
تاريخ التسجيل : 12/09/2009

مُساهمةموضوع: رد: طبعى كده فمتزعليش !!!!!   الثلاثاء 03 نوفمبر 2009, 5:36 pm

الله الله الله

ما كل هذا الإبداع !

جزاك الله خيرا

كلمات راقية و حس دينى لا مثيل له ..

و بساطة ترتدى ثوبا فيه كل الأناقة

لا تحرمنا ابداعاتك أخى الحبيب و زميلى و صديقي الرائع


_________________
=======================================

سبحان الله وبحمده عدد خلقه ورضا نفسه وزِنة عرشه ومداد كلماته
سبحان الله وبحمده
سبحان الله العظيم
=======================================
الرجوع الى أعلى الصفحة اذهب الى الأسفل
رشا الشال
مراقب المنتديات التعليمية والشعر
avatar

عدد المساهمات : 121
تاريخ التسجيل : 29/09/2009

مُساهمةموضوع: رد: طبعى كده فمتزعليش !!!!!   السبت 06 مارس 2010, 2:19 pm

بسم الله الرحمن الرحيم


استاذي الفاضل / ابراهيم العدل



ما اجمل ما نقراء من رسم القلم

وعذوبه المعني والحروف


نسجت من الحرف اجملها

ومن الوفاء اصدقها

ومن البراءة اروعها


دام احساسك

ودام قلمك


تقبل اعجابي بحروف كلماتك





انتظر المزيد من ابداعاتك

وفيض قملك

في انتظار وعدك بقصيدة المولد النبوي
الرجوع الى أعلى الصفحة اذهب الى الأسفل
 
طبعى كده فمتزعليش !!!!!
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى مدرسة ميت الخولى مؤمن :: ۩ ۩ المنتديات العامه ۩ ۩ :: منتدى الشعر العربى الجميل-
انتقل الى: