منتدى مدرسة ميت الخولى مؤمن

منتدى مدرسة ميت الخولى مؤمن

منتدى مدرسة ميت الخولى مؤمن
 
الرئيسيةالتسجيلدخول

شاطر | 
 

 رساله إلى جمبله بوحريد !!!!!!!!!

اذهب الى الأسفل 
كاتب الموضوعرسالة
ابراهيم العدل
مراقب المنتديات التعليمية والشعر
avatar

عدد المساهمات : 10
تاريخ التسجيل : 09/10/2009

مُساهمةموضوع: رساله إلى جمبله بوحريد !!!!!!!!!   الجمعة 27 نوفمبر 2009, 8:47 pm


[
بكيت ليس لهزيمه مباراه ولكنى بكيت عندما قام الجزائريون

بحرق علمى وحمل نعش عليه علم مصر التى لم تبخل يوما

على أحد 00 رحم الله العروبة وإنا لله وإنا إليه راجعون 000000

رساله إلى ( جميله بوحريد ) !!!!!!!!


------------------------


فى مره اجتمعنا زمان فى بيت جدنا ( يَعْرُب )


سأل العيال اللى شاطر من بينكو 00 راح يِعْرِب


كتب 00 ( بالإتحاد المجد إن عشتم )


واللى فيكم حبيبى للمعنى راح يفهم


كل الولاد طنشوا م الوحده عاش يهرب


وانا الوحيد صنتها م الشرق للمغرب



***************


يا ( جميله ) وجه الوطن كان حِته من وِشِّك


والجنه كانت حمام بيحط فوق رمْشِك


والبدر كان م ( الجزاير ) والشمس من ( تُونِس )


سَمينا كل البنات من حُبِّنا ( عزيزه ) والوِلْد كان ( يُونُس )


عشنا تغنى الوطن ساقيه وعصفورها طاير على عشك



**************


( بوحريد ) ياوجه الجزاير والأخوه فى شمالنا


( جميله ) ليه علمت الكُرْه لعيالنا


بتوصى ليه العيال يحرقوا علمنا ويزغردوا لنَعْشِى


واحنا اللى بعنا عشان أرضكم فَرْشِى


وإن كان ده ( رد الجميل ) راح نجعله مالنا



*************


رفرف بعيد فى السما واضحك قصاد عينى


بكره اللى كان بحرقك فى الشده هيجينى


وإن كان فى لحظه اتهبل وِدَاسُوك بِجَزْمِتْهُم


أو شالوا جثه وطن فى نعوش زبالتهم


شكرا على كرههم واعلم فى يوم ذلهم راح يعوزونى



***************


معدش بينا كلام من بعد شيل نعشى


وصلت لحد التمنى وأنا سليم بمشى


إن كان فرحتم بموتى وانا اللى بَدَّيْتَكم


وقت المرض صحتى والقلب كان بيتكم


والوقتى داير تشيع جثتى الحيه 0 يابنى مينفعشى



*************


الغلطه موش غلطتك 00 الغلطه قلب أمى


من كتر ذكر المحبه 00 حبيت ولاد عمى


من كتر مااسم العروبه اتردد هنا فى بتنا


فكرت إن الجزائر فى الدنيا جَنَّتْنَا


لكن صحيت والنعش شايلينه وبيشربوا دمى



*****************


موش كُنا باسم العروبه كنا زمان واحد


بنغنى شوق للحبيبه وهَوَانَا كان واحد


الوقتى مين ضَلِّلَكْ تحرق فى رايتنا


عمال تنادى العيال يهدموا بيتنا


واعرف بإن اللى بِنْكِر جميل الأخ صار جَاحد



****************


فمتزعليش يابلد إن مره قولنا 00 لا


هو اللى قال وابتدى مرعاش حقوق الله


لا كبير فى يوم فهمه إن العلم دِينا


والنعش لو يحمله حتى غريب عنا


يبقى السلام انتهى حتى النشيد ننساه



---------------------------------------



بقلم / ابراهيم العدل
الرجوع الى أعلى الصفحة اذهب الى الأسفل
ابراهيم العدل
مراقب المنتديات التعليمية والشعر
avatar

عدد المساهمات : 10
تاريخ التسجيل : 09/10/2009

مُساهمةموضوع: رد: رساله إلى جمبله بوحريد !!!!!!!!!   الجمعة 27 نوفمبر 2009, 8:52 pm

كل عام وأنتم جميعا بخير وكل اهلنا فى ميت الخولى مبتهجون بعيد الأضحى المبارك

ياعم مروان كلما أردت ان أكتب موضوعا أو ردا لاأجده فى اليوم التالى شوف أيه المشكله
وكل عام وأنتم بخير
أخوك / ابراهيم العدل
الرجوع الى أعلى الصفحة اذهب الى الأسفل
مروان
مدير عام المنتدى
مدير عام المنتدى
avatar

عدد المساهمات : 636
تاريخ التسجيل : 12/09/2009

مُساهمةموضوع: رد: رساله إلى جمبله بوحريد !!!!!!!!!   السبت 28 نوفمبر 2009, 3:58 am

كل عام و انت بخير
أخى الحبيب أ : إبراهيم العدل

لا مشكلة أبدا لدينا ...

المنتدى طبيعي جدا .. اكتب و أرد يوميا ..و كذلك الأخوة .. و هذه الشكوى الأولى بهذا الخصوص ..
على العموم سأبلغ المختصين بالشأن الفنى و أبلغك أخى الحبيب ..
و كل عام و أنتم بخير

_________________
=======================================

سبحان الله وبحمده عدد خلقه ورضا نفسه وزِنة عرشه ومداد كلماته
سبحان الله وبحمده
سبحان الله العظيم
=======================================
الرجوع الى أعلى الصفحة اذهب الى الأسفل
فارس
كبير المراقبين
كبير المراقبين


عدد المساهمات : 98
تاريخ التسجيل : 13/10/2009

مُساهمةموضوع: رد: رساله إلى جمبله بوحريد !!!!!!!!!   السبت 28 نوفمبر 2009, 6:16 pm


بارك الله فيك أخي ابراهيم على كلماتك الرائعة
وعلى راي المثل يعلموها الصغار ويقعوا فيها الكبار ..
ولكن للأسف حتى الكبار في الجانب الآخر صمتوا صمت القبور
وكأنها موافقة ضمنية !!
الرجوع الى أعلى الصفحة اذهب الى الأسفل
ابراهيم العدل
مراقب المنتديات التعليمية والشعر
avatar

عدد المساهمات : 10
تاريخ التسجيل : 09/10/2009

مُساهمةموضوع: رد: رساله إلى جمبله بوحريد !!!!!!!!!   الأحد 29 نوفمبر 2009, 10:01 pm

مروان كتب:
كل عام و انت بخير
أخى الحبيب أ : إبراهيم العدل

لا مشكلة أبدا لدينا ...

المنتدى طبيعي جدا .. اكتب و أرد يوميا ..و كذلك الأخوة .. و هذه الشكوى الأولى بهذا الخصوص ..
على العموم سأبلغ المختصين بالشأن الفنى و أبلغك أخى الحبيب ..
و كل عام و أنتم بخير

---------------------------
أخى العزيز / مروان

كل عام وأنتم بخير وعيد سعيد مبارك ولاحرمنا الله من أخوتكم ودمتم أهلا للخير 00 شكرا أخى الرائع على ردك المهذب وكل عام وأنتم بخير
أخوكم / ابراهيم العدل
الرجوع الى أعلى الصفحة اذهب الى الأسفل
رشا الشال
مراقب المنتديات التعليمية والشعر
avatar

عدد المساهمات : 121
تاريخ التسجيل : 29/09/2009

مُساهمةموضوع: رد: رساله إلى جمبله بوحريد !!!!!!!!!   الأربعاء 02 ديسمبر 2009, 3:34 pm

كعادته دائما


يطل علينا باروع الكلمات



إنها أرض الكنانــــــه
إنها خير أجنــــــــاد الأرض

إنها مصر أم الدنيــــــــــــــــــا

رغم أنف الحاقدين




مشكور ولك منى اجمل تحيا
الرجوع الى أعلى الصفحة اذهب الى الأسفل
 
رساله إلى جمبله بوحريد !!!!!!!!!
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى مدرسة ميت الخولى مؤمن :: ۩ ۩ المنتديات العامه ۩ ۩ :: منتدى الشعر العربى الجميل-
انتقل الى: