منتدى مدرسة ميت الخولى مؤمن

منتدى مدرسة ميت الخولى مؤمن

منتدى مدرسة ميت الخولى مؤمن
 
الرئيسيةالتسجيلدخول

شاطر | 
 

 نحن غرابا عك عك !!

اذهب الى الأسفل 
كاتب الموضوعرسالة
فارس
كبير المراقبين
كبير المراقبين


عدد المساهمات : 98
تاريخ التسجيل : 13/10/2009

مُساهمةموضوع: نحن غرابا عك عك !!   الأحد 27 ديسمبر 2009, 4:29 pm

أعتقد أنه لا أحد حلُم أو يحلم بأن يتقمص شخصية مثل أبو لهب فهو من الكفار وطبعاً مفيش حد عايز يبقى كافر والعياذ بالله أو حتى يشبهوه بناس زي دي .. حتى في الأفلام الدينية التي تعد على أصابع اليد صورت هذه الشخصيات بصورة دميمة للغاية في كلامه وأفعاله وهيئته يعني مفيش واحد عاقل هيقبل بكده باختياره لكن رد فعلك إيه لو كان ده غصب عنك ولقيت حد بيشاور عليك ويقول إنك من الكفار ؟؟ طبعاً أول حاجة هتبص وراك وجنبك زي عباد الشمس لأنك متأكد إنك مش المقصود .. ولما تتأكد إنك يا جميل المقصود تفضل تبص لهدومك وتحسس على دقنك وتشوف جيبك أحسن يكون معاك سيف ولا حاجة
طيب سيبنا من دي ..
كتير مننا وأنا أولكم بنحلم بالكلام الكبير اللي بنسمعه في الجرايد ونشوفه في التليفزيون زي النفوذ والسلطة والواسطة .. يعني تدخل كده على طابور عيش وتلاقي الناس بتفرش لك الأرض رملة وتخبط الكام كيس المعتبر والخلق واقفة تدعي عليك وعلى اللي خلفوك واللي نفخوك وخلوك تاخد حاجتك في فيمتو ثانية ..
أو تدخل مصلحة ما تقضي مصلحة وتطلع كارت من الكروت السحرية اياها اللي بتفتح جميع أنواع الأبواب المغلقة والنصف مواربة وتقفل المفتوحة لو حبيت .. وتلاقي البهوات والباشوات اللي بيعذبوا في خلق الله ليل نهار.. زنهار في ديل حضرتك عايزين ينولوا الرضا منك ومن صاحب الكارت ..
ويا سلام لو اتعكشت في كمين أو ظابط حب يعمل عليك بنطة رخامة من المعتادة وطلعت محمولك المبارك وخبطت ميسد مش أكتر وفي ثواني تلاقي الظبوطة هيوطي ويبوس ايدك علشان ترضى عنه
يا سلام ده يبقى يوم الهنا والسعد ونسيب الكتابة وحرقة الدم ونشوف حالنا بقى كفاية اللي راح
باختصار العبد لله جمع - وبلا فخر - بين الحاجتين في وقت واحد.. لقيت الكارت السحري واكتشفت إن أي حد بيشيله يبقى من الكفار .. إزاي وليه ؟ أحكي ليكم عـ السريع اللي حصل لي من كام سنة..
صحيت من النوم على صوت تليفوني بيرن تررن تررن وواحد صديق بيقولي إنه رشحني كمستشار قانوني لمؤسسة كبيرة .. الصراحة فرحت وفضلت أشكره من هنا لبكره وإني هرفع راسه لفوج ولما سمعت منه اسم المؤسسة قولتله بس اللي أعرفه إن الناس دي مجتمع مكتفي ذاتياً وصعب حد من بره يدخل عليهم بالسهولة دي .. قاللي باين عليك لسه نايم مش المؤسسة دي تم حلها إمبارح واستولت عليها المحافظة ومحتاجين ناس زيك يراجعوا كل ورقة ويظبطوا الأمور ويباشروا الحرب القانونية القادمة
قولتله يا اخي الحكومة بتاعتنا دي مفيش حاجة بتقف في طريقها اللي عايزاه بتعمله وأهو نجرب نناسب الحكومة ولو مرة في حياتنا بس أهم حاجة أخبار الأبيج إيه حاكم إنت عارف مرتبات الحكومة
قاللي معلش استحمل شوية لغاية الأمور ما تهدى وبعد كده العملية هتلعب ثم كفاية المركز بتاعك والدولة كلها وراك ..
حسيت بقلق مش طبيعي الدولة كلها ورايا يا خبر اسود ومنيل
طقمت الطقم التمام وطلعت على المركز الرئيسي للمؤسسة وعينك ما تشوف إلا النور فوجئت بكام زميل آخر مطقمين ومنتظرين انتهاء الاجتماع العاجل لمجلس الإدارة المعين وبشروني إن العقود بتاعتنا هيتصدق عليها النهاردة بس محدش يعرف المرتب كام
قولتلهم لما تتمعظم قوي يبقى 500 جنيه . واحد تاني قاللي مش معقول ده العامل في المؤسسة دي قبل ما ياخدوها كان بياخدهم أساسي شوف بقى بالعلاوات والحوافز وغيره كان بيطلع له كام في الشهر وشوف أكتر المحامي مثلاً كان بيخبط كام على كده؟
عيشني ابن الإيه ده في حلم جميل وبدأت أحسبها في سري
" يعني لو المني موم مثلاً كبداية 1000 جنيه يبقى جميل جداً أهو نعمل بيهم جمعية محترمة ونحوش بقى زي بقيت الناس ونعمل دفتر في البوسطة ونصر على قلبنا "
طلعت العلبة المالبورو لزوم الطقم الألاجة ومسكت الموبايل وآل يعني مشغول ومش مهتم وعيني هتفلق باب الاجتماع مستني الفرج ..
وجه الفرج فعلاً !!!!!!
بكرة راجعلكم ومعايا فرج بذات نفسه يكمل أحسن نفسي اتسدت عند النقطة دي
الرجوع الى أعلى الصفحة اذهب الى الأسفل
مروان
مدير عام المنتدى
مدير عام المنتدى
avatar

عدد المساهمات : 636
تاريخ التسجيل : 12/09/2009

مُساهمةموضوع: رد: نحن غرابا عك عك !!   الإثنين 28 ديسمبر 2009, 11:36 am

الله الله الله عليك
حبيبي و أخى الغالى فارس ..
أستمتع حقا حين أقرأ لك ..
الواسطة و المحسوبية منتشرة بصورة مقززة في المجتمع بصورة عامة حتى أصبح الملتزم المحترم نادر و جوده ..
و لو أراد المجتمع أن يصلح من حاله لانهار الآن لأنه تغلل في كل مكان ..
==============
لى صديق نائب مدير مستشفي كبير .. عندما تولى المنصب أول مرة ..بدأفي محاربة الفساد و متابعته و محاربة المفسدين ..
توقع ماذا حدث ..
تم استدعاؤه لأمن الدولة .. فأخذ معاه عضو مجلس شعب محترم خوفا من المكان اللى داخله ..
و طالبوه بالكف عن هذا .. و قالوا له بالحرف الناس مش لاقيه تاكل .. كبر دماغك ..

================
بارك الله فيك و في انتظار فرج

_________________
=======================================

سبحان الله وبحمده عدد خلقه ورضا نفسه وزِنة عرشه ومداد كلماته
سبحان الله وبحمده
سبحان الله العظيم
=======================================
الرجوع الى أعلى الصفحة اذهب الى الأسفل
سعد مرسى
كبير المراقبين
كبير المراقبين
avatar

عدد المساهمات : 171
تاريخ التسجيل : 24/09/2009

مُساهمةموضوع: رد: نحن غرابا عك عك !!   الأربعاء 30 ديسمبر 2009, 7:22 pm

ايه ده ياعم فارس.. انت مين ؟

1- فيمتو ثانية .عالم ذرة
2-هرفع راسه لفوج . صعيدى
3- أخبار الأبيج .. شبرا
4- ونصر على قلبنا ... فلاح

ايوه ايوه انت شارب من نيلها اكيد

واستولت عليها المحافظة

لالالا خلاص انا عرفت فرج هيقول ايه

.....


عدل سابقا من قبل سعد مرسى في الخميس 31 ديسمبر 2009, 12:23 pm عدل 1 مرات
الرجوع الى أعلى الصفحة اذهب الى الأسفل
محمد
مشرف أول
avatar

عدد المساهمات : 232
تاريخ التسجيل : 24/09/2009

مُساهمةموضوع: رد: نحن غرابا عك عك !!   الخميس 31 ديسمبر 2009, 8:05 am

أنا مستنى فرج

ههههههههههههه


اسلوب و لا أروع من هذا

فعلا انت مدرسة كاملة في فن الكتابة

لا تحرمنا من روائع ابداعاتك ..


لا نسانى من صالح دعائك
الرجوع الى أعلى الصفحة اذهب الى الأسفل
فارس
كبير المراقبين
كبير المراقبين


عدد المساهمات : 98
تاريخ التسجيل : 13/10/2009

مُساهمةموضوع: رد: نحن غرابا عك عك !!   الخميس 31 ديسمبر 2009, 9:21 pm

مروان كتب:
الله الله الله عليك
حبيبي و أخى الغالى فارس ..
أستمتع حقا حين أقرأ لك ..
الواسطة و المحسوبية منتشرة بصورة مقززة في المجتمع بصورة عامة حتى أصبح الملتزم المحترم نادر و جوده ..
و لو أراد المجتمع أن يصلح من حاله لانهار الآن لأنه تغلل في كل مكان ..
==============
لى صديق نائب مدير مستشفي كبير .. عندما تولى المنصب أول مرة ..بدأفي محاربة الفساد و متابعته و محاربة المفسدين ..
توقع ماذا حدث ..
تم استدعاؤه لأمن الدولة .. فأخذ معاه عضو مجلس شعب محترم خوفا من المكان اللى داخله ..
و طالبوه بالكف عن هذا .. و قالوا له بالحرف الناس مش لاقيه تاكل .. كبر دماغك ..

================
بارك الله فيك و في انتظار فرج


أهلاً بك أخي مروان وتحياتي القلبية لك
هناك الكثير من عينة صديقك ولكن للأسف ملهمش حظ !! أو بمعنى أدق مفيش واسطة او ضميرهم
نائح عليهم بصفة دائمة .. لكن اللي دمه بارد وفاهم قواعد اللعب كويس وعارف مركزه فين وماشي
على تعليمات الكوتش بتاعه فده اللي بيعدي ويوصل .. علشان كده البلد زي ما شايف بقت خرابة !!

الرجوع الى أعلى الصفحة اذهب الى الأسفل
فارس
كبير المراقبين
كبير المراقبين


عدد المساهمات : 98
تاريخ التسجيل : 13/10/2009

مُساهمةموضوع: رد: نحن غرابا عك عك !!   الخميس 31 ديسمبر 2009, 10:03 pm

سعد مرسى كتب:
ايه ده ياعم فارس.. انت مين ؟

1- فيمتو ثانية .عالم ذرة
2-هرفع راسه لفوج . صعيدى
3- أخبار الأبيج .. شبرا
4- ونصر على قلبنا ... فلاح

ايوه ايوه انت شارب من نيلها اكيد

واستولت عليها المحافظة

لالالا خلاص انا عرفت فرج هيقول ايه

.....


لا وفيه كمان بمبوطي وبدوي ومحلي ومستورد
ومن حيث شربت فأنا شربت لكن مش عايز اقول شربت إيه بالظبط !!
كفاية اللي انتم فيه ..
أما المحافظة واللي مش عارف لغاية الآن هي محافظة على إيه بالظبط ؟
فهى بتستولي على حاجات كتير اليومين دول .. خلوا بالكم واحترسوا انا حذرتكم
تحياتي أخي سعد
الرجوع الى أعلى الصفحة اذهب الى الأسفل
فارس
كبير المراقبين
كبير المراقبين


عدد المساهمات : 98
تاريخ التسجيل : 13/10/2009

مُساهمةموضوع: رد: نحن غرابا عك عك !!   الخميس 31 ديسمبر 2009, 10:10 pm

محمد كتب:
أنا مستنى فرج

ههههههههههههه


اسلوب و لا أروع من هذا

فعلا انت مدرسة كاملة في فن الكتابة

لا تحرمنا من روائع ابداعاتك ..


لا نسانى من صالح دعائك


فرج زمانه جاي ما تقلقش هى بس زحمة المواصلات النهاردة
أشكرك أخي محمد على تواجدك الجميل وربنا يكرمك .
الرجوع الى أعلى الصفحة اذهب الى الأسفل
فارس
كبير المراقبين
كبير المراقبين


عدد المساهمات : 98
تاريخ التسجيل : 13/10/2009

مُساهمةموضوع: رد: نحن غرابا عك عك !!   الخميس 31 ديسمبر 2009, 10:29 pm

وجانا الفرج جانا

انفض الاجتماع أخيراً وفوجئت بكوكتيل غريب من البشر وسألت من بجانبي
هو ده مجلس الإدارة ؟ مش ممكن ده عامل زي الكشري ! سألني :- كشري ! ؟
المهم إنهم يكونوا كويسين والسلام
رديت عليه بنظرة تعجبية انفزاعية .. إيه الكويس فيهم عايز أعرف ..

مفيش غير عميد الكلية ده اللي محترم وأكيد ده الواجهة الإعلامية لكن الباقي
واللي قدرت أعرفه منهم ربك يستر على المؤسسة وعلينا
دخل علينا راجل بيتكتك من البرد ما إحنا كنا في عز الشتا ورحب بينا ترحيب
شفوي يعني سلامات ناشفة من غير شاي ولا قهوة
وشاور لنا على غرفة الاجتماعات بما يعني أن ندخل إليها فهناك من بانتظارنا
أخدنا قعدتنا على المائدة المستديرة وعرفنا إننا أمام مدير المؤسسة الجديد ضابط
جيش سابق بس معرفتش وظيفته إيه قبل حكاية المدير !
بصراحة الراجل رحب بينا ترحيب كبير ومحترم وقعد يكلمنا فترة طويلة عن
حياته من المهد حتى المؤسسة وبرضه مش عايز يقول كان بيشتغل إيه ..
المهم ساعة اتنين وهو أكل ودان اللي خلفونا وأنا مستني الفرج وإنه ينطق
هناخد كام ؟؟
وتقريباً حسس إن القعدة فيها قلق ففتح ملف قدامه وقال :- شوفوا يا أساتذة
.. المفروض دي مرحلة انتقالية يعني فيه انتخابات كمان شهرين وهي دي
الأساس الحقيقي للمؤسسة ..
وعلشان كده قررنا نعمل عقد معكم لمدة شهرين وبعد الانتخابات إن شاء الله
نوقع عقود مستديمة وطبعاً إنتم عارفين إننا استلمناها خرابة والبركة فيكم نجرد
كل مليم علشان نعرف نحاسب الناس دي كويس

طبعاً لساني الزالف مش مرتاح آم فط من مكانه وخبط كلمتين مالهمش لازمة

:- يا باشا وهي الناس دي عملت إيه بالظبط .. المؤسسة دي كانت ما
شاء الله عليها زي الفل والناس عليها أمم وسمعتها ممتازة والناس بتشكر فيها


المدير : - وهو بيبص لي من فوق لتحت مش عاجبه الكلام - شوف يا
استاذ .. اسم حضرتك إيه ؟

محسوبك فلان الفلاني

المدير :- تشرفنا ..الناس دي ظاهرها الطيبة والورع وبيعرفوا ياكلوا

بعقول الناس حلاوة لكن كل الفساد اللي في الدنيا تلاقيه موجود عندهم ومش
وانت عارف ان الدولة بتحارب الفساد بكل قوتها .

عارف طبعاً ومش محتاجة نقاش ! لكن لو على كده يبقى المفروض يتم حل
99% من مؤسسات البلد خاص وعام والا سعادتك مش متابع الجرايد .

المدير :- وهو يضحك بشدة - يا متر جرايد إيه بس دول كلهم ولاد تيت
ومعظم اللي بيكتبوه تيت .. وهو كل حاجة بتتنشر تبقى حقيقة..بكرة تقرا
عن التطهير اللي حصل وشوف هيقولوا عليه إيه وإنت احكم بنفسك

واحد تاني :- سيبونا من السياسة وقرفها ونخش على الجد فين العقود

نوقعها ونتكلم بعدها عن المطلوب مننا

وزع المدير عقد كل واحد والكل اتكهرب وبلم أول ما شاف الرقم اللي جنب


خانة المرتب

المدير :- مالكم يا اساتذة فيه حاجة غلط في العقود معلش إحنا خبرتنا القانونية محدودة والبركة فيكم
أنا :- هو استفهام صغير سعادتك الرقم ده صفر واحد ولا صفرين أحسن



مش واضح شوية

المدير :- لا صفر واحد

كلنا بصوت واحد :- 150 جنيه في الشهر !!!!!

المدير :- دي بداية بس لغاية ما نظبط أمورنا ونخلص الانتخابات على خير ونفسكم معانا وقتها .

طيب المرتب ده نعتبره أساسي يعني ولسه فيه حوافز وبدلات ومصروفات


وخلافه ولا كده وبس

المدير :- لا طبعاً إحنا إن شاء الله داخلين على رمضان وفيه مكافأة محترمة لكل الناس اللي معانا

أنا :- يا فندم لما يكون المرتب 150 جنيه تفتكر المكافأة دي هتكون كام !
يعني .. ده السكرتيرة عند أي واحد فينا بتاخد المرتب ده ولو بتكتب
كمبيوتر بيزيد .. واحنا سمعنا عن مبالغ رهيبة كان بياخدوها الأساتذة اللي قبلينا

المدير :وهو منفعل - لأنهم حرامية يا بيه.. حد يصدق إنهم كانوا
بيوزعوا نفحة في الشهور الهجرية ..أول رمضان والعيد ونص شعبان و27
رجب وغيره .. ومبالغ مش طبيعية كانوا بيجيبوها منين أكيد فيه إن ؟ لكن
إحنا حكومة وبيحاسبونا على الملين .. ويا أخي قرش حلال أفضل من مليون حرام

أنا :- بس أعرف إن رئيس مجلس الإدارة والأعضاء ناس تقيلة ومليانة وعندهم بيزنس خاص يعني المبالغ دي مش حاجة بالنسبة ليهم وكمان
الاشتراكات اللي بيدفعها الناس عالية برضه

المدير :- يا متر بلاش تسمع للكلام اللي لا بيودي ولا يجيب .. إحنا
الصح وما يغركش الدقون والكلام المدهنن بتاعهم ده دول عالم .. تيت

بصيت للناس اللي معايا إن حد عايز يفتح بقه بكلمة لا ممكن أبداً .. سكت

ووقعت العقد الميمون وبدأنا في ترتيب الشغل وعرفت إن المفروض في أول
أسبوع نكون متواجدين بصفة دايمة علشان نراجع الميزانية السابقة ونجرد
العهدة ونفصصها ونعمل شوية تحقيقات لأن معظم الطاقم القديم هياخد استمارة
6 علشان الرجالة بتوعنا يشرفوا
-بدأنا العمل تاني يوم وبصراحة ذهلت من كم المبالغ الرهيبة الموجوده على الورق .. يبقى المدير كان عنده حق والناس ليها حق تعمل مظاهرات وتشتم وتقول أحلى كلام .. إحنا كدنا طلعناهم من الجنة فعلاً وإحنا اللي دخلنا النار برجلينا .. يعني جهاز تكييف بمبلغ خرافي يزيد الضعف عن سعره في السوق طيب راح فين مش عارفين ؟ اجهزة كمبيوتر بالكوم وبأسعار خيالية طبعاً ومش موجود غير روبابيكيا !! طيب الفرق ده كان بيدخل جيب مين ؟ ..فضلنا على الحال ده اسبوعين وقالولنا لازم نمر على مراكز المؤسة المختلفة لدراسة الوضع على الطبيعة ومتابعة الحرب القانونية فيما يزيد عن 60 دعوى قضائية ثم همس لي أحدهم وأنا في طريقي للإنصراف : عندنا ميعاد النهاردة في .. في ؟

وشي قلب ألوان الطيف كلها وزعقت في الراجل :- معقول أروح برجلي هناك وأنا في كامل قواي العقلية ..
هو :- متخافش كارت من سعادته وعيش يا استاذ وشوف بلدنا بوشها التاني !

بكره/ رحت وشوفت

الرجوع الى أعلى الصفحة اذهب الى الأسفل
محمد
مشرف أول
avatar

عدد المساهمات : 232
تاريخ التسجيل : 24/09/2009

مُساهمةموضوع: رد: نحن غرابا عك عك !!   الجمعة 08 يناير 2010, 8:01 am

فارس كتب:
وجانا الفرج جانا

انفض الاجتماع أخيراً وفوجئت بكوكتيل غريب من البشر وسألت من بجانبي
هو ده مجلس الإدارة ؟ مش ممكن ده عامل زي الكشري ! سألني :- كشري ! ؟
المهم إنهم يكونوا كويسين والسلام
رديت عليه بنظرة تعجبية انفزاعية .. إيه الكويس فيهم عايز أعرف ..

مفيش غير عميد الكلية ده اللي محترم وأكيد ده الواجهة الإعلامية لكن الباقي
واللي قدرت أعرفه منهم ربك يستر على المؤسسة وعلينا
دخل علينا راجل بيتكتك من البرد ما إحنا كنا في عز الشتا ورحب بينا ترحيب
شفوي يعني سلامات ناشفة من غير شاي ولا قهوة
وشاور لنا على غرفة الاجتماعات بما يعني أن ندخل إليها فهناك من بانتظارنا
أخدنا قعدتنا على المائدة المستديرة وعرفنا إننا أمام مدير المؤسسة الجديد ضابط
جيش سابق بس معرفتش وظيفته إيه قبل حكاية المدير !
بصراحة الراجل رحب بينا ترحيب كبير ومحترم وقعد يكلمنا فترة طويلة عن
حياته من المهد حتى المؤسسة وبرضه مش عايز يقول كان بيشتغل إيه ..
المهم ساعة اتنين وهو أكل ودان اللي خلفونا وأنا مستني الفرج وإنه ينطق
هناخد كام ؟؟
وتقريباً حسس إن القعدة فيها قلق ففتح ملف قدامه وقال :- شوفوا يا أساتذة
.. المفروض دي مرحلة انتقالية يعني فيه انتخابات كمان شهرين وهي دي
الأساس الحقيقي للمؤسسة ..
وعلشان كده قررنا نعمل عقد معكم لمدة شهرين وبعد الانتخابات إن شاء الله
نوقع عقود مستديمة وطبعاً إنتم عارفين إننا استلمناها خرابة والبركة فيكم نجرد
كل مليم علشان نعرف نحاسب الناس دي كويس

طبعاً لساني الزالف مش مرتاح آم فط من مكانه وخبط كلمتين مالهمش لازمة

:- يا باشا وهي الناس دي عملت إيه بالظبط .. المؤسسة دي كانت ما
شاء الله عليها زي الفل والناس عليها أمم وسمعتها ممتازة والناس بتشكر فيها


المدير : - وهو بيبص لي من فوق لتحت مش عاجبه الكلام - شوف يا
استاذ .. اسم حضرتك إيه ؟

محسوبك فلان الفلاني

المدير :- تشرفنا ..الناس دي ظاهرها الطيبة والورع وبيعرفوا ياكلوا

بعقول الناس حلاوة لكن كل الفساد اللي في الدنيا تلاقيه موجود عندهم ومش
وانت عارف ان الدولة بتحارب الفساد بكل قوتها .

عارف طبعاً ومش محتاجة نقاش ! لكن لو على كده يبقى المفروض يتم حل
99% من مؤسسات البلد خاص وعام والا سعادتك مش متابع الجرايد .

المدير :- وهو يضحك بشدة - يا متر جرايد إيه بس دول كلهم ولاد تيت
ومعظم اللي بيكتبوه تيت .. وهو كل حاجة بتتنشر تبقى حقيقة..بكرة تقرا
عن التطهير اللي حصل وشوف هيقولوا عليه إيه وإنت احكم بنفسك

واحد تاني :- سيبونا من السياسة وقرفها ونخش على الجد فين العقود

نوقعها ونتكلم بعدها عن المطلوب مننا

وزع المدير عقد كل واحد والكل اتكهرب وبلم أول ما شاف الرقم اللي جنب


خانة المرتب

المدير :- مالكم يا اساتذة فيه حاجة غلط في العقود معلش إحنا خبرتنا القانونية محدودة والبركة فيكم
أنا :- هو استفهام صغير سعادتك الرقم ده صفر واحد ولا صفرين أحسن



مش واضح شوية

المدير :- لا صفر واحد

كلنا بصوت واحد :- 150 جنيه في الشهر !!!!!

المدير :- دي بداية بس لغاية ما نظبط أمورنا ونخلص الانتخابات على خير ونفسكم معانا وقتها .

طيب المرتب ده نعتبره أساسي يعني ولسه فيه حوافز وبدلات ومصروفات


وخلافه ولا كده وبس

المدير :- لا طبعاً إحنا إن شاء الله داخلين على رمضان وفيه مكافأة محترمة لكل الناس اللي معانا

أنا :- يا فندم لما يكون المرتب 150 جنيه تفتكر المكافأة دي هتكون كام !
يعني .. ده السكرتيرة عند أي واحد فينا بتاخد المرتب ده ولو بتكتب
كمبيوتر بيزيد .. واحنا سمعنا عن مبالغ رهيبة كان بياخدوها الأساتذة اللي قبلينا

المدير :وهو منفعل - لأنهم حرامية يا بيه.. حد يصدق إنهم كانوا
بيوزعوا نفحة في الشهور الهجرية ..أول رمضان والعيد ونص شعبان و27
رجب وغيره .. ومبالغ مش طبيعية كانوا بيجيبوها منين أكيد فيه إن ؟ لكن
إحنا حكومة وبيحاسبونا على الملين .. ويا أخي قرش حلال أفضل من مليون حرام

أنا :- بس أعرف إن رئيس مجلس الإدارة والأعضاء ناس تقيلة ومليانة وعندهم بيزنس خاص يعني المبالغ دي مش حاجة بالنسبة ليهم وكمان
الاشتراكات اللي بيدفعها الناس عالية برضه

المدير :- يا متر بلاش تسمع للكلام اللي لا بيودي ولا يجيب .. إحنا
الصح وما يغركش الدقون والكلام المدهنن بتاعهم ده دول عالم .. تيت

بصيت للناس اللي معايا إن حد عايز يفتح بقه بكلمة لا ممكن أبداً .. سكت

ووقعت العقد الميمون وبدأنا في ترتيب الشغل وعرفت إن المفروض في أول
أسبوع نكون متواجدين بصفة دايمة علشان نراجع الميزانية السابقة ونجرد
العهدة ونفصصها ونعمل شوية تحقيقات لأن معظم الطاقم القديم هياخد استمارة
6 علشان الرجالة بتوعنا يشرفوا
-بدأنا العمل تاني يوم وبصراحة ذهلت من كم المبالغ الرهيبة الموجوده على الورق .. يبقى المدير كان عنده حق والناس ليها حق تعمل مظاهرات وتشتم وتقول أحلى كلام .. إحنا كدنا طلعناهم من الجنة فعلاً وإحنا اللي دخلنا النار برجلينا .. يعني جهاز تكييف بمبلغ خرافي يزيد الضعف عن سعره في السوق طيب راح فين مش عارفين ؟ اجهزة كمبيوتر بالكوم وبأسعار خيالية طبعاً ومش موجود غير روبابيكيا !! طيب الفرق ده كان بيدخل جيب مين ؟ ..فضلنا على الحال ده اسبوعين وقالولنا لازم نمر على مراكز المؤسة المختلفة لدراسة الوضع على الطبيعة ومتابعة الحرب القانونية فيما يزيد عن 60 دعوى قضائية ثم همس لي أحدهم وأنا في طريقي للإنصراف : عندنا ميعاد النهاردة في .. في ؟

وشي قلب ألوان الطيف كلها وزعقت في الراجل :- معقول أروح برجلي هناك وأنا في كامل قواي العقلية ..
هو :- متخافش كارت من سعادته وعيش يا استاذ وشوف بلدنا بوشها التاني !

بكره/ رحت وشوفت



جُزيتَ خيراً وَوقيتَ شراً وإزدَتَ علماً
شُكراً أخىو أستاذي الكريم
جعلها الله بموازين حسناتك

تمتعنا دائما
هنيئا لنا بك و بوجودك بيننا



في انتظار بكره بكل شوق
ا
الرجوع الى أعلى الصفحة اذهب الى الأسفل
فارس
كبير المراقبين
كبير المراقبين


عدد المساهمات : 98
تاريخ التسجيل : 13/10/2009

مُساهمةموضوع: رد: نحن غرابا عك عك !!   الجمعة 15 يناير 2010, 1:27 am

محمد كتب:
فارس كتب:
وجانا الفرج جانا

انفض الاجتماع أخيراً وفوجئت بكوكتيل غريب من البشر وسألت من بجانبي
هو ده مجلس الإدارة ؟ مش ممكن ده عامل زي الكشري ! سألني :- كشري ! ؟
المهم إنهم يكونوا كويسين والسلام
رديت عليه بنظرة تعجبية انفزاعية .. إيه الكويس فيهم عايز أعرف ..

مفيش غير عميد الكلية ده اللي محترم وأكيد ده الواجهة الإعلامية لكن الباقي
واللي قدرت أعرفه منهم ربك يستر على المؤسسة وعلينا
دخل علينا راجل بيتكتك من البرد ما إحنا كنا في عز الشتا ورحب بينا ترحيب
شفوي يعني سلامات ناشفة من غير شاي ولا قهوة
وشاور لنا على غرفة الاجتماعات بما يعني أن ندخل إليها فهناك من بانتظارنا
أخدنا قعدتنا على المائدة المستديرة وعرفنا إننا أمام مدير المؤسسة الجديد ضابط
جيش سابق بس معرفتش وظيفته إيه قبل حكاية المدير !
بصراحة الراجل رحب بينا ترحيب كبير ومحترم وقعد يكلمنا فترة طويلة عن
حياته من المهد حتى المؤسسة وبرضه مش عايز يقول كان بيشتغل إيه ..
المهم ساعة اتنين وهو أكل ودان اللي خلفونا وأنا مستني الفرج وإنه ينطق
هناخد كام ؟؟
وتقريباً حسس إن القعدة فيها قلق ففتح ملف قدامه وقال :- شوفوا يا أساتذة
.. المفروض دي مرحلة انتقالية يعني فيه انتخابات كمان شهرين وهي دي
الأساس الحقيقي للمؤسسة ..
وعلشان كده قررنا نعمل عقد معكم لمدة شهرين وبعد الانتخابات إن شاء الله
نوقع عقود مستديمة وطبعاً إنتم عارفين إننا استلمناها خرابة والبركة فيكم نجرد
كل مليم علشان نعرف نحاسب الناس دي كويس

طبعاً لساني الزالف مش مرتاح آم فط من مكانه وخبط كلمتين مالهمش لازمة

:- يا باشا وهي الناس دي عملت إيه بالظبط .. المؤسسة دي كانت ما
شاء الله عليها زي الفل والناس عليها أمم وسمعتها ممتازة والناس بتشكر فيها


المدير : - وهو بيبص لي من فوق لتحت مش عاجبه الكلام - شوف يا
استاذ .. اسم حضرتك إيه ؟

محسوبك فلان الفلاني

المدير :- تشرفنا ..الناس دي ظاهرها الطيبة والورع وبيعرفوا ياكلوا

بعقول الناس حلاوة لكن كل الفساد اللي في الدنيا تلاقيه موجود عندهم ومش
وانت عارف ان الدولة بتحارب الفساد بكل قوتها .

عارف طبعاً ومش محتاجة نقاش ! لكن لو على كده يبقى المفروض يتم حل
99% من مؤسسات البلد خاص وعام والا سعادتك مش متابع الجرايد .

المدير :- وهو يضحك بشدة - يا متر جرايد إيه بس دول كلهم ولاد تيت
ومعظم اللي بيكتبوه تيت .. وهو كل حاجة بتتنشر تبقى حقيقة..بكرة تقرا
عن التطهير اللي حصل وشوف هيقولوا عليه إيه وإنت احكم بنفسك

واحد تاني :- سيبونا من السياسة وقرفها ونخش على الجد فين العقود

نوقعها ونتكلم بعدها عن المطلوب مننا

وزع المدير عقد كل واحد والكل اتكهرب وبلم أول ما شاف الرقم اللي جنب


خانة المرتب

المدير :- مالكم يا اساتذة فيه حاجة غلط في العقود معلش إحنا خبرتنا القانونية محدودة والبركة فيكم
أنا :- هو استفهام صغير سعادتك الرقم ده صفر واحد ولا صفرين أحسن



مش واضح شوية

المدير :- لا صفر واحد

كلنا بصوت واحد :- 150 جنيه في الشهر !!!!!

المدير :- دي بداية بس لغاية ما نظبط أمورنا ونخلص الانتخابات على خير ونفسكم معانا وقتها .

طيب المرتب ده نعتبره أساسي يعني ولسه فيه حوافز وبدلات ومصروفات


وخلافه ولا كده وبس

المدير :- لا طبعاً إحنا إن شاء الله داخلين على رمضان وفيه مكافأة محترمة لكل الناس اللي معانا

أنا :- يا فندم لما يكون المرتب 150 جنيه تفتكر المكافأة دي هتكون كام !
يعني .. ده السكرتيرة عند أي واحد فينا بتاخد المرتب ده ولو بتكتب
كمبيوتر بيزيد .. واحنا سمعنا عن مبالغ رهيبة كان بياخدوها الأساتذة اللي قبلينا

المدير :وهو منفعل - لأنهم حرامية يا بيه.. حد يصدق إنهم كانوا
بيوزعوا نفحة في الشهور الهجرية ..أول رمضان والعيد ونص شعبان و27
رجب وغيره .. ومبالغ مش طبيعية كانوا بيجيبوها منين أكيد فيه إن ؟ لكن
إحنا حكومة وبيحاسبونا على الملين .. ويا أخي قرش حلال أفضل من مليون حرام

أنا :- بس أعرف إن رئيس مجلس الإدارة والأعضاء ناس تقيلة ومليانة وعندهم بيزنس خاص يعني المبالغ دي مش حاجة بالنسبة ليهم وكمان
الاشتراكات اللي بيدفعها الناس عالية برضه

المدير :- يا متر بلاش تسمع للكلام اللي لا بيودي ولا يجيب .. إحنا
الصح وما يغركش الدقون والكلام المدهنن بتاعهم ده دول عالم .. تيت

بصيت للناس اللي معايا إن حد عايز يفتح بقه بكلمة لا ممكن أبداً .. سكت

ووقعت العقد الميمون وبدأنا في ترتيب الشغل وعرفت إن المفروض في أول
أسبوع نكون متواجدين بصفة دايمة علشان نراجع الميزانية السابقة ونجرد
العهدة ونفصصها ونعمل شوية تحقيقات لأن معظم الطاقم القديم هياخد استمارة
6 علشان الرجالة بتوعنا يشرفوا
-بدأنا العمل تاني يوم وبصراحة ذهلت من كم المبالغ الرهيبة الموجوده على الورق .. يبقى المدير كان عنده حق والناس ليها حق تعمل مظاهرات وتشتم وتقول أحلى كلام .. إحنا كدنا طلعناهم من الجنة فعلاً وإحنا اللي دخلنا النار برجلينا .. يعني جهاز تكييف بمبلغ خرافي يزيد الضعف عن سعره في السوق طيب راح فين مش عارفين ؟ اجهزة كمبيوتر بالكوم وبأسعار خيالية طبعاً ومش موجود غير روبابيكيا !! طيب الفرق ده كان بيدخل جيب مين ؟ ..فضلنا على الحال ده اسبوعين وقالولنا لازم نمر على مراكز المؤسة المختلفة لدراسة الوضع على الطبيعة ومتابعة الحرب القانونية فيما يزيد عن 60 دعوى قضائية ثم همس لي أحدهم وأنا في طريقي للإنصراف : عندنا ميعاد النهاردة في .. في ؟

وشي قلب ألوان الطيف كلها وزعقت في الراجل :- معقول أروح برجلي هناك وأنا في كامل قواي العقلية ..
هو :- متخافش كارت من سعادته وعيش يا استاذ وشوف بلدنا بوشها التاني !

بكره/ رحت وشوفت



جُزيتَ خيراً وَوقيتَ شراً وإزدَتَ علماً
شُكراً أخىو أستاذي الكريم
جعلها الله بموازين حسناتك

تمتعنا دائما
هنيئا لنا بك و بوجودك بيننا



في انتظار بكره بكل شوق
ا



أهلاً بك أخي محمد وأشكرك على ثنائك الطيب وجزاك الله خيراً
الرجوع الى أعلى الصفحة اذهب الى الأسفل
فارس
كبير المراقبين
كبير المراقبين


عدد المساهمات : 98
تاريخ التسجيل : 13/10/2009

مُساهمةموضوع: رد: نحن غرابا عك عك !!   الجمعة 15 يناير 2010, 1:31 am

تاني يوم اتقابلنا مع المدير على بوابة ؟؟؟ أخدوا البطاقات الشخصية وعملوا كام تليفون ولطعونا حوالي نص ساعة وبعدها مشينا ورا واحد مش عارفين بيشتغل إيه ومش عارف ليه افتكرت المرحوم فؤاد المهندس في مسرحية(علشان خاطر عيونك ) لما فضل يقول لكلب البحر تطلع من الباب ده تلاقي دهليز تمشي شوية تلاقي باب تدخل فيه هتلاقي دهليز هتلاقي تاكسي تفتح باب التاكسي تلاقي دهليز .. ده اللي حصل لى بالظبط أدخل في دهليز أطلع على دهليز تاني وبعدها بدأت في الهبوط ومش فاكر لغاية فين .. المهم وصلنا للباشا اللي رحب بينا وأخدنا وادينا شوية لغاية ما بدا ناخد يفرق علينا كارت معاليه السحري .. الراجل قاللي تروح بكره لــ؟؟ وما تستناش بره ادخل على طول وطلع الكارت وهو هيقوم باللازم .. وبعدين لازم نطعن على الدعوى كذا .. قولتله يا باشا احنا ملناش الحق في الطعن لأننا مش طرف في القضية دي من الأساس .. رد على بابتسامة وقال :- اطعن انت بس وسيب الباقي علينا !!
طيب والاحكام اللي اخدوها الناس دي دي نهائية يعني في أي لحظة يقدروا يرجعوا تاني .. بنفس الابتسامة رد وقال :- ولو قعدوا 100 سنة ياخدوا في أحكام مفيش حاجة هتتنفذ !!
نفذت اللي قاله الباشا حرفياً وتم المطلوب على أحسن ما يكون وسبحان مغير الأحوال الحاجة الي ممكن تاخد يوم بحاله مع الكارت يمكن أقل من 10 دقايق وزي ما أنا عايز بالظبط - ايشي خيال يا ناس -كان المفروض نطلع زيارات لمراكز المؤسسة زي ما عرفتوا وبالفعل طقمت طقم ابهه ودخلنا أول مركز ومتوقعين أننا سوف نقابل مقابلة الفاتحين لكن شعرت كأننا الصليبين وأخذنا من المسلمين بيت المقدس لا ومش كده وبس ورايحين بربطة المعلم نغيظهم كمان !! فوجئت بمظاهرة عارمة في استقبالنا وصراخ هستيري ودعوات ما أنزل الله بها من سلطان نزلت على أم رأسي مثل السيل المنهمر لا ينفع معها شمسية ولا حتى أسمنت مسلح
( خيبر خيبر يا يهود .. جيش محمد سوف يعود ) ( يا كفرة ) (منكم لله يا ظلمة ) (حسبي الله ونعم الوكيل فيكم )ده اللي قدرت افتكره
بصينا لبعضنا في ذهول وأنا مش قادر أمنع نفسي من الضحك وكاتمه جوايا من المنظر وعايز أقولهم يا جماعة والنبي دا إحنا غلابة وكل الحكاية 150 ملطوش وركزوا على اللي هياكل التورتة مش الغلابة اللي هيمصمصوا العضم ويطلع على جتتهم أفراداً وأجوازاً !

ميل على الأخ اللي ماشي جنبي وقاللي شايف كل ده علشان 150 جنيه شوف كان هيحصلنا إيه لو المرتب كان عالي شوية .. رديت عليه :- كانوا هيصلبونا يا باشا ويسبونا للغربان تقطع لحمنا وتشرب من دمنا كاسات كاسات
لقينا واحد غلبان زي المسجون بيشاور من شباك عليه قضبان حديد ( يعني تعالوا هنا بسرعة ) دخلنا عليه قفل الباب بسرهة وطلع مدير المركز الجديد وكان شوية ويعيط ويقولنا آهو على الحال ده بقالنا يومين ولا عارفين نشتغل ولا نعمل حاجة
قولتله وده كله علشان حل مجلس الإدارة القديم
قاللي لأ ده بسبب الناس اللي مشيناها ..
بس كل الكلام ده غلط فيه أصول لازم تتبع لما تحب تمشي أي موظف ولازم يكون فيه سبب قوي لكده
يا باشا أنا عبد المأمور .. مفروض على كل يوم أبعت كام اسم وألاقي قرار الفصل جاهز وأنا اللي في الصورة وطلبت الأمن وشوية وزمانهم جايين
طيب فيه عقبات تانية أو مشاكل ؟؟
الناس اللي رضيت بحالها وسكتت غضبانين هم كمان إزاي مرتبهم ينزل من 2000 ويبقى 500 جنيه بس ..
يا سيدي ربنا معاهم ويصبرهم فيه غيرهم مش لاقيين المرتب ده - وأنا بنظر لزملائي -
ثم عندي حاجات كتير مش موجودة غير على الورق وبس .. حتى الكراسي أخدوها معاهم ونفضوا المركز باللي فيه
عموماً ربنا يسهل ونتكلم النهاردة في الموضوع ده وفرح الناس إن فيه مكافأة بمناسبة شهر رمضان احتمال كبير يصرفوها بكرة أو بعده علشان الانتخابات الأسبوع الجاي


يا ترى المكافأة دي طلعت كام ؟ ومين صرفها ؟
والانتخابات حصل فيها إيه ؟ و ..و
بكرة نكمل الحلقة الأخيرة
الرجوع الى أعلى الصفحة اذهب الى الأسفل
مروان
مدير عام المنتدى
مدير عام المنتدى
avatar

عدد المساهمات : 636
تاريخ التسجيل : 12/09/2009

مُساهمةموضوع: رد: نحن غرابا عك عك !!   الجمعة 15 يناير 2010, 8:24 am

فارس كتب:
تاني يوم اتقابلنا مع المدير على بوابة ؟؟؟ أخدوا البطاقات الشخصية وعملوا كام تليفون ولطعونا حوالي نص ساعة وبعدها مشينا ورا واحد مش عارفين بيشتغل إيه ومش عارف ليه افتكرت المرحوم فؤاد المهندس في مسرحية(علشان خاطر عيونك ) لما فضل يقول لكلب البحر تطلع من الباب ده تلاقي دهليز تمشي شوية تلاقي باب تدخل فيه هتلاقي دهليز هتلاقي تاكسي تفتح باب التاكسي تلاقي دهليز .. ده اللي حصل لى بالظبط أدخل في دهليز أطلع على دهليز تاني وبعدها بدأت في الهبوط ومش فاكر لغاية فين .. المهم وصلنا للباشا اللي رحب بينا وأخدنا وادينا شوية لغاية ما بدا ناخد يفرق علينا كارت معاليه السحري .. الراجل قاللي تروح بكره لــ؟؟ وما تستناش بره ادخل على طول وطلع الكارت وهو هيقوم باللازم .. وبعدين لازم نطعن على الدعوى كذا .. قولتله يا باشا احنا ملناش الحق في الطعن لأننا مش طرف في القضية دي من الأساس .. رد على بابتسامة وقال :- اطعن انت بس وسيب الباقي علينا !!
طيب والاحكام اللي اخدوها الناس دي دي نهائية يعني في أي لحظة يقدروا يرجعوا تاني .. بنفس الابتسامة رد وقال :- ولو قعدوا 100 سنة ياخدوا في أحكام مفيش حاجة هتتنفذ !!
نفذت اللي قاله الباشا حرفياً وتم المطلوب على أحسن ما يكون وسبحان مغير الأحوال الحاجة الي ممكن تاخد يوم بحاله مع الكارت يمكن أقل من 10 دقايق وزي ما أنا عايز بالظبط - ايشي خيال يا ناس -كان المفروض نطلع زيارات لمراكز المؤسسة زي ما عرفتوا وبالفعل طقمت طقم ابهه ودخلنا أول مركز ومتوقعين أننا سوف نقابل مقابلة الفاتحين لكن شعرت كأننا الصليبين وأخذنا من المسلمين بيت المقدس لا ومش كده وبس ورايحين بربطة المعلم نغيظهم كمان !! فوجئت بمظاهرة عارمة في استقبالنا وصراخ هستيري ودعوات ما أنزل الله بها من سلطان نزلت على أم رأسي مثل السيل المنهمر لا ينفع معها شمسية ولا حتى أسمنت مسلح
( خيبر خيبر يا يهود .. جيش محمد سوف يعود ) ( يا كفرة ) (منكم لله يا ظلمة ) (حسبي الله ونعم الوكيل فيكم )ده اللي قدرت افتكره
بصينا لبعضنا في ذهول وأنا مش قادر أمنع نفسي من الضحك وكاتمه جوايا من المنظر وعايز أقولهم يا جماعة والنبي دا إحنا غلابة وكل الحكاية 150 ملطوش وركزوا على اللي هياكل التورتة مش الغلابة اللي هيمصمصوا العضم ويطلع على جتتهم أفراداً وأجوازاً !

ميل على الأخ اللي ماشي جنبي وقاللي شايف كل ده علشان 150 جنيه شوف كان هيحصلنا إيه لو المرتب كان عالي شوية .. رديت عليه :- كانوا هيصلبونا يا باشا ويسبونا للغربان تقطع لحمنا وتشرب من دمنا كاسات كاسات
لقينا واحد غلبان زي المسجون بيشاور من شباك عليه قضبان حديد ( يعني تعالوا هنا بسرعة ) دخلنا عليه قفل الباب بسرهة وطلع مدير المركز الجديد وكان شوية ويعيط ويقولنا آهو على الحال ده بقالنا يومين ولا عارفين نشتغل ولا نعمل حاجة
قولتله وده كله علشان حل مجلس الإدارة القديم
قاللي لأ ده بسبب الناس اللي مشيناها ..
بس كل الكلام ده غلط فيه أصول لازم تتبع لما تحب تمشي أي موظف ولازم يكون فيه سبب قوي لكده
يا باشا أنا عبد المأمور .. مفروض على كل يوم أبعت كام اسم وألاقي قرار الفصل جاهز وأنا اللي في الصورة وطلبت الأمن وشوية وزمانهم جايين
طيب فيه عقبات تانية أو مشاكل ؟؟
الناس اللي رضيت بحالها وسكتت غضبانين هم كمان إزاي مرتبهم ينزل من 2000 ويبقى 500 جنيه بس ..
يا سيدي ربنا معاهم ويصبرهم فيه غيرهم مش لاقيين المرتب ده - وأنا بنظر لزملائي -
ثم عندي حاجات كتير مش موجودة غير على الورق وبس .. حتى الكراسي أخدوها معاهم ونفضوا المركز باللي فيه
عموماً ربنا يسهل ونتكلم النهاردة في الموضوع ده وفرح الناس إن فيه مكافأة بمناسبة شهر رمضان احتمال كبير يصرفوها بكرة أو بعده علشان الانتخابات الأسبوع الجاي


يا ترى المكافأة دي طلعت كام ؟ ومين صرفها ؟
والانتخابات حصل فيها إيه ؟ و ..و
بكرة نكمل الحلقة الأخيرة



[SIZE="5"]موضوع رائع

بارك الله فيك


وجزاك الله خيرا
[/SIZE]

_________________
=======================================

سبحان الله وبحمده عدد خلقه ورضا نفسه وزِنة عرشه ومداد كلماته
سبحان الله وبحمده
سبحان الله العظيم
=======================================
الرجوع الى أعلى الصفحة اذهب الى الأسفل
فارس
كبير المراقبين
كبير المراقبين


عدد المساهمات : 98
تاريخ التسجيل : 13/10/2009

مُساهمةموضوع: رد: نحن غرابا عك عك !!   السبت 23 يناير 2010, 1:55 pm


بارك الله فيك أخي مروان على تشريفك العطر
الرجوع الى أعلى الصفحة اذهب الى الأسفل
فارس
كبير المراقبين
كبير المراقبين


عدد المساهمات : 98
تاريخ التسجيل : 13/10/2009

مُساهمةموضوع: رد: نحن غرابا عك عك !!   السبت 23 يناير 2010, 1:57 pm

بعد فترة من التعب والارهاق في هذا العالم الجديد والغريب والذي له قانونه الخاص غير الذي تعلمناه بكلية الحقوق
ومارسناه في أروقة المحاكم بدأت أشعر أني غريب ولا ولن أنتمي لهؤلاء أبداً
طالما أشعر بوخز ضمير مازال ينبض على الرغم من أن أشعر بتعاطف معهم قد لا يستحقون هذا التعاطف
ولكن على الأقل هم المظلومون في هذه المعركة
دخلت من باب المؤسسة بعد أن زهدت في الكام طقم اللي كلفوني مرتب سنة قدام في هذه المؤسسة وسمعت فور دخولي صوت زميلي وكأنه يغني في دار الأوبرا ولكن بغضب شديد يصل لدرجة الردح البلدي وهو يخاطب أمين الصندوق

" يعني إيه كل الناس تصرف 50 جنيه والمحامين لأ !! هو إحنا ولاد البطة السودة ومش واخدين بالنا"


بعد فترة من الشد والجذب بينهما علمت أن العلاوة تم صرفها لجميع العاملين ما عدا المحامين الغلابة وغلى الدم في عروقي أنا أيضاً
وظهر الماضي القريب أمام عيني كشريط سينمائي ودخلت في وصلة ردح ولكن محترمة في بدايتها سرعان ما انتهت لوصلة عشوائية من زميلي
الغريب في الأمر أن السيد أمين الصندوق كان هادئاً لدرجة تصل إلى البرود وربنا ما يوريكم لما تتخانق مع واحد بارد
كل شوية يقولك أنا عبد المأمور ودي أوامر
أقوله يا بيه دلنا على المأمور بتاعك عيب كده دي خمسين جنيه لا راحت ولاجت بس المبدأ نفسه مش كويس
يبقى إحنا اللي مطرمطين هنا وهناك وبنصرف من جيوبنا وبيكفرونا ويدعوا علينا وانتم هنا قاعدين توزعوا علاوات على بعضيكم
اتصلنا بالسيد رئيس مجلس الإدارة والمدير ولفيف من السادة أعضاء مجلس الإدارة بعد انضمام بعض الزملاء لنا
ونجحنا أخيراً في الموافقة على منحنا الخمسين ملطوش بعدما تعهد البعض للسيد المدير بمساندته في الانتخابات
وراجعت هؤلاء المتعهدين

"انتم فاكرين إنه هينجح دا بعده .. شوفوا أسماء الجمعية العمومية كلها من الناس القدامى يعني لو وقف على ديله هو واللي معاه مش هياخدوا صوتين على بعض "


متعهد : " يا عم أهو كلمتين لا يودوا ولا يجيبوا ..المهم أخدنا حقنا.. ثم خلي بالك المدير ده اللي هينفعنا قدام بعد الانتخابات لو نجح يعني العقود هتتجدد وأكيد بمرتب أعلى لو وقفنا معاه "


" اقف انت لوحدك عن نفسي تعبت من الوقفة ولازم أرتاح شوية ..

كان يوم الانتخابات حافلاً وتوقعت سقوطاً مروعاً للمدير وأتباعه حتى لو كان ذلك فيه خروجي من المؤسسة فهو أرحم من رؤية طلعته البهية كل يوم
ولكن الغريب أني وجدت زحاماً شديداً تعدى أعداد الجمعية العمومية بمراحل ولم ألحظ شخصاً واحداً ملتحي !!
وعندماتسلمت أسماء من لهم حق الانتخاب صعقت عندما وجدت أسماءاً جديدة تماماً غير التي راجعتها بنفسي منذ أيام
وذهبت على الفور لرئيس مجلس الإدارة وأطلعته عل الأمر وأن هذا غير قانوني
وجدته يبتسم فكان رجل طيب وفي حاله ولهذا اختاروه لهذا المنصب !

" يا حبيبي هات لي حاجة واحدة قانونية في كل اللي بيحصل ده .. جت على الكشوف دي يعني
كلنا هنا بنفذ هدف معين ولازم يتحقق بينا أو من غيرنا هيحصل فكبر واسكت زي ما أنا ساكت "



أخدت الكلمتين وبلعتهم لأنه ببساطة عنده حق وتمت الانتخابات وطبعاً نجح المدير وجميع أعضاء مجلس الإدارة المعينون وفرقنا الحاجة الساقة وأكلنا الجاتوه والذي منه
وتاني يوم وصلني تليفون من صديقي الذي رشحني لهذ المنصب

" إيه يا عم إنت عملت إيه ؟"


"هعمل إيه بس كل حاجة زي الفل واللي عايزينه حصل "


"اصلهم عملوا اجتماع النهاردة وعينوا ناس جديدة في الشئون القانونية وانت مش منهم "


ضحكت بشدة " حاجة معروفة هم محتاجين ناس صم بكم عمي وما يعرفش غير كلمة حاضر "


"وطبعا سيادتك عملت برم كالعادة وآدي النتيجة طيرت الوظيفة من إيدك "


استمر ضحكي " وظيفة إيه يا حج !!إنت صدقت .. أنا صرفت قد اللي أخدته عشر أضعاف ثم أنا طول عمري بحب أكون حر وببعد عن أي وظيفة حكومي وحد يتريس على حتى لو هموت من الجوع "


" بس أهو دخل إضافي بجانب شغلك يعني حاجة لزوم المعايش ومش هتخسر "

" لا على الأقل هخسر نفسي .. قول شعارات وكلام فارغ بس كويس إنها جت منهم وعينوا مين على كده "


" واحد قريب المدير والتاني ابن اخت رئيس مجلس لإدار وواحد تبع أمين الصندوق وزودوا المرتبات خلوها 200 جنيه "

" يا وعدي تصدق بدأت أندم فعلاً 50 جنيه زيادة مرة واحدة! "


اتجهت لعملي الحقيقي وقابلت بالصدفة زميل لي كان من ضمن فريق العمل الخاص بالمطرودين وجدته كمن يتجاهلني وصممت على معرفة السبب وعندما عرفت أنها بسبب وجودي الفترة الماضية في فريق الكفار كما يعتقدون
أوضحت له كل الملابسات وعندهاا نفجر بالضحك على غير عادته واحتضنني بشدة وقال لي " أهلاً بك مرة أخرى "


ضحكت أنا الآخر " يعني اقول الشهادتين تاني يا عم الشيخ.. محسسني إني كنت مرتد "

والحقيقة أنها كانت تجربة مفيدة فعلاً على الرغم من قصرها والتي لم تتعد الثلاثة شهور يعني خبطت فيهم 300 جنيه والخمسين جنيه النفحة ودخلت في دهاليز عالم سمسم العجيب والذي لا يوجد فيه كلمة مستحيل
وأنك عندما تريد أن تصل لمكانة ما في هذا البلد عليك أن تترك مبادئك وافكارك ونفسك في الخارج..!!!!
الرجوع الى أعلى الصفحة اذهب الى الأسفل
مروان
مدير عام المنتدى
مدير عام المنتدى
avatar

عدد المساهمات : 636
تاريخ التسجيل : 12/09/2009

مُساهمةموضوع: رد: نحن غرابا عك عك !!   الجمعة 12 مارس 2010, 9:10 am

في انتظارك بكل شوق

_________________
=======================================

سبحان الله وبحمده عدد خلقه ورضا نفسه وزِنة عرشه ومداد كلماته
سبحان الله وبحمده
سبحان الله العظيم
=======================================
الرجوع الى أعلى الصفحة اذهب الى الأسفل
 
نحن غرابا عك عك !!
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى مدرسة ميت الخولى مؤمن :: ۩ ۩ المنتديات العامه ۩ ۩ :: منتدى المواضيع العامه والنقاش الحر-
انتقل الى: