منتدى مدرسة ميت الخولى مؤمن
أشعار عن الأم 2r2xht4
منتدى مدرسة ميت الخولى مؤمن
أشعار عن الأم 2r2xht4
منتدى مدرسة ميت الخولى مؤمن
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى مدرسة ميت الخولى مؤمن

منتدى مدرسة ميت الخولى مؤمن
 
الرئيسيةأحدث الصورالتسجيلدخول

 

 أشعار عن الأم

اذهب الى الأسفل 
3 مشترك
كاتب الموضوعرسالة
ميرفت1
مشرف المنتديات العامه
مشرف المنتديات العامه
ميرفت1


عدد المساهمات : 22
تاريخ التسجيل : 01/03/2010

أشعار عن الأم Empty
مُساهمةموضوع: أشعار عن الأم   أشعار عن الأم I_icon_minitimeالسبت 06 مارس 2010, 3:40 pm

اسألي دمي
وسعادتي وهمي
اسألي التوفيق
والقدر والضيق
اسألي الدعاء اللي في صلاتي
والدموع اللي في سجودي
اسألي دمي
عن حبك يا أمي




في الطفولة علمتيني قبل ما أنطق بالكلام
وفي شبابي بترعيني لما بسهر ولا أنام
صدقيني يا ضي عيني حبك أنت مش كلام
يبتدي في لحظة ميلادي شمعة تضوي في الظلام


ست الحبايب والحنان أنتي يا أمي
لو كنت صغير ولا كبير تتبطبي وتضمي
تفرحي لفرحي وفي الشدة بتحملي همي
ساكنة في قلبي وأسمك بيجري في دمي


لما أزعل بترضيني
لما امرض بتدويني
أمي أنت في نن عيني
حبيت الكون علشانك
وفي قلبي وروحي مكانك
تسلملي كلمة يا ضنايا
لما ينطقه لسانك


أمي يا كل الأمان
أمي يا نور في طريقي
أمي يا حضن الحنان
أمي يا حبي الحقيقي


ماما يا لحن في الوجدان
يا همسة حب .. يا موجة حنان
في عيدك
بتخضر الالوان
وبحبك
ينطق قلبي الولهان



ماما حبيبتي
حبك في قلبي طول الليالي
حافظ ودادك .. كاره بعادك
لوغبتي عني
روحي تخدني
لحد عندك
وأنول بقربك وأعيش معاكي
عالم خيالي


اسمك زي شعاع النور
بيدخل قلبي يمد جسور
أنت حبيبتي يا أمي الغالية
ليكي بوسه وعقد زهور
ليكي شوق وحنين ومحبة
بيخليني بيكي مسحور


ماما حبيبتي يا أطيب قلب
اسمك موجة في بحر الحب
كلمة رقيقة بسمة بريئة
تفتح قلبي وتمحي الذنب




جيناكي يا نينة يا زينة
يا حب غالي آوي علينا
جيين نجمع بعضينا
في عيدك بتخضر أمانينا




أنت اللي غاليا علينا
وانت اللي ضي عنينا
تمر الايام وحبك
طول عمرة في القلب
يا نينة


يا طيور الكناري
يا زهور البراري
ميلوا وغنوا شمال ويمين
غنوا معايا لنور العين
ماما يا ماما يا نور العين
غنوا معايا صبح وليل
لأمي حبيبتي كل الخير


ماما يا نبع المحبة والحنان
قلبي بين أديكي عرف معني الأمان
أنتي السما والأرض أنت جنتي
أنتي وطن قلبي علي طول الزمان


لو كان بأيدي لو كان
لعملك الدنيا بستان
ورد و فل وريحان
وأهدية ليكي يا امي

كلمة منك تحميني
بوسة منك تحييني
بيبقي الكون في أديا
لما يا ماما تضميني


الدنيا أم وأمي أوطان
عنيكي ملجئ قلبي الولهان
لمسة أيدك كل الحنان
تحت رجلك جنة رضوان
ربي يخليها طول الزمان



عيدك يا أمي اسعد الأعياد
لولاكي يا أمي مكنش ليا ميلاد
قلبك بيرعاني يا بهجة القلب
مش ممكن ينساني في البعد والقرب



يا ما شلتيني وتعبت إديكي
وربتيني بدموع عنيكي
عمري ما أنسي أبدا دعاكي
قلبي وروحي ديما فداكي


لولاكي يا ملاكي
قلبي بلا دقات
ليلي بلا سهرات
عمري صدي حكايات لولاكي يا أمي
يا كل الأحلام يا صوت المواعيد
نجمة ما بتنام يا كل الأناشيد


غنيتي ليا عشان أنام
ودبحتي ليا جوزين حمام
حضنك أنت الأمان
لمسة كل الحنان
بسمتك تضوي المكان



يا ماما ما في زيك في الدنيا
قلبك حنين عليا
يا أغلي من ضي عينيا
الدنيا في عيدك تغني
وأحبابك جيا تهانيكي
وأنا قلبي بيرقص من الفرحة
يوم عيدك ربي يخليكي


أمي الحبيبة إطمني
يالي حضنك شال همومي وضمني
كل سنة وأنت طيبة يا أمي
يا أجمل ما في الدنيا يا أمي


أنا عمري ما أنسي يا امي حنانك
لما تضميني مابين أحضانك
ليكي بسمة ليكي غنوة
ليكي حبي وروحي عشانك



قلبي دق لما كنت أنا الوليد
أمي أنتي بسمتي وقلبي السعيد
ضمتيني
كنت في الشدة ترعيني
ولما ابكي تمسحي دمعي الشريد




عشق الكون وياكي حكاية
يالي صلحتي الحب معايا
أنتي يا أمي اغلي هدية
ربي وجدها في دنيايا



نينة يا ست الكل
يا نور في طريقي يهل
يا وردة يا عنقود فل
يا قمر ليالينا لما يطل



يا أم الصبر يا أم الحنين
يا منبع الإحساس والقلب الأمين
يا نينة يا نور قلبي الوحيد
في عيدك العالم كله سعيد
ربي يخليكي
ونبارك ليكي
مليون عيد


شط حنانك بحر أمان
قلبك موجة للغرقان
حبك ميه للعطشان
حبك نسمة وبسمة يا نينة
بتخليني أعيش فرحان




جدو يا جدو يا أحسن جد
يالي حنانك فاق الحد
ربي يصونك ويخليك
بصلي وديما بدعي إليك




الحنان والطيبة جدو
والأمان والشوق كمان
هو عنوانك يا جدو
لما احزن بجري عنده
و أترمي في حضنك يا جدو



حضنك ليا
بيخليني أكون في أمان
أنت الملجئ ليا يا جدي
لما يكون بابا زعلان
اجري وأضمك
تبعد بابا
وتضحك ليا بكل حنان


يا لي كلامك غالي عليا
يا ستي يا نور في ضي عنيا
اسمع صوتك في الفجريا
لما تصلي وتدعي ليا
بالقي الكون كله حنيا


لما حنانك بيغطيني
أجري في حضنك وتخبيني
خايف ابعد عنك يا ستي
الأيام تجي تلهيني
اصل بحبك أوى يا غالية
وقرب مني ده بيرضيني


لو عليا أكون معاكي في كل ليلة
تيتة أنت أمي أنت أحلامي الجميلة
مستحيل أنى أكون غير تحت أمرك
أصلك حنان والكون أمان
لما تضمي
أقول كمان
دا أنتي أمي وأم أمي
الرجوع الى أعلى الصفحة اذهب الى الأسفل
مروان
مدير عام المنتدى
مدير عام المنتدى
مروان


عدد المساهمات : 636
تاريخ التسجيل : 12/09/2009

أشعار عن الأم Empty
مُساهمةموضوع: رد: أشعار عن الأم   أشعار عن الأم I_icon_minitimeالسبت 06 مارس 2010, 6:12 pm

أشعار عن الأم 00c_053th19
أشعار عن الأم Fgsgsdg

أشعار عن الأم 00c_053th19
الرجوع الى أعلى الصفحة اذهب الى الأسفل
لينا
مشرف المنتديات العامه
مشرف المنتديات العامه
لينا


عدد المساهمات : 13
تاريخ التسجيل : 28/09/2009

أشعار عن الأم Empty
مُساهمةموضوع: رد: أشعار عن الأم   أشعار عن الأم I_icon_minitimeالأربعاء 14 أبريل 2010, 12:44 pm


كلمات جميلة وإحساس راقي
سلمت أناملك عزيزتي
الرجوع الى أعلى الصفحة اذهب الى الأسفل
 
أشعار عن الأم
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى مدرسة ميت الخولى مؤمن :: ۩ ۩ المنتديات العامه ۩ ۩ :: منتدى الشعر العربى الجميل-
انتقل الى: