منتدى مدرسة ميت الخولى مؤمن

منتدى مدرسة ميت الخولى مؤمن

منتدى مدرسة ميت الخولى مؤمن
 
الرئيسيةالتسجيلدخول

شاطر | 
 

 نكت جديدة و قديمة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ميرفت1
مشرف المنتديات العامه
مشرف المنتديات العامه
avatar

عدد المساهمات : 22
تاريخ التسجيل : 01/03/2010

مُساهمةموضوع: نكت جديدة و قديمة   السبت 01 مايو 2010, 6:35 am

- في المدرسه استاذ الحساب بيسال التلميذ بتاعه: لو باباك استلف الف جنيه من البنك والف جنيه تانيه من جاركم يبقى هيرجع كام الف، التلميذ: مش هيرجع حاجه يا أستاذ، الأستاذ: ياابني استلف الف وبعديها الف تانيه التلميذ : مش هيرجع حاجه يا استاذ، الاستاذ: اقعد يا ابني انت متعرفش حاجه في الحساب، التلميذ: انت اللي متعرفش ابويا يا استاذ.
- مره واحده حامل ابنها الصغير بيسألها:ايه اللي في بطنك ده يا ماما قالتله :ده أخوك يا حبيبي...تاني يوم و هوه في المدرسه المدرس سأله:انت عندك اخوات؟ قاله:كان عندي واحد بس ماما أكلته.
- مرة واحد بيسألوه ايه سر الرومانسية اللى انت فيها مع مراتك على طول؟؟ قال لهم اصل احنا محافظين من زمان على عادة رائعة بنروح نتعشى فى مطعم رومانسى مرتين فى الأسبوع انا يوم التلات وهى يوم الخميس.
- واحد أخنف حظه وحش قوي..وقع في حفره وفضل مستني لغاية ما واحد جه وعلى حظه كان أخنف برضه.. الأخنف اللي فوق قال ... استنى شوية .. حاطنّعك دنوأتي
قاله بسنعة .. قال له و كمان بتتنيأ ؟ طب شوف مين حيطنعكّ
- مرة واحد مسطول بيلعب كورة اخد الكورة على صدره طلعها من منخيره
- بلدياتنا بيوقف تاكسي فسأله: فاضي يااسطة فقال له الأسطة: ايوة فاضي
فقال له بلدياتنا: طيب ماتيجي تقعد معايا شوية .
- واحد غبي راح المستشفى فالدكتور قال له "انت لازم تعمل اشعة.. قال فين الاشعة ؟.. قال له الدكتور إطلع الدور الثاني ودوس على المصعد.. فدخل المصعد وشاف المرايات والانوار فافتكره مكان الاشعة... وخلع ملابسه بالكامل!.. ثم وقف المصعد واتفتح الباب ولمّا شافته الممرضة صرخت.. وقالها: لاااا... أوعى تقولى سرطان!!! .
- قائد مشهور بالقسوة فقرر عمل استعراض لجنوده، فوقف أمام جندي وسأله: ما اسمك فقال: أحمد يا سيدي، وماذا تمسك بيدك ؟.. فاجاب بندقيتي يا سيدي.. فرد عليه: ليست بندقيتك بل هي زوجتك وعرضك وشرفك.. ثم انتقل الى الجندي الذي يليه: ما اسمك ؟.. كامل يا سيدي، وماذا تمسك بيدك ؟.. فأجاب: زوجة أحمد يا سيدي..!
- غبي ماشي بالليل، فسأل غبي تاني الاول: اللي فوق دي الشمس ولا القمر ؟؟ .. فالتاني قال له: والله أنا غريب ومش من البلد دي !!!.
- سكران بيسوق سيارة في الاتجاه المعاكس وسمع اخبار فجأة في الراديو وبثو اعلان بيقول: نعلمكم أن الشرطه تطارد قائد سياره يمشي في الاتجاه المعاكس .. قال السكران: هو بس سياره وحده ؟.. أنا لوحد يلغاية دلوقتي شفت الفين سيارة ماشية في الاتجاه المعاكس!!.
- الاستاذ لتلاميذه : مين يعرف اسم حيوان بيطير ؟؟؟ .. الطالب: الفيل يا استاذ! ..الاستاذ: غلط يا ابني ايه الغباء ده، انت ابوك بشتغل فين ؟؟ .. الطالب في المخابرات.. الاستاذ: الفيل ممكن يطير بس لو يشد حيله شويه!!!.
- مرة حبيبين بيتمشوا في الشارع.. فالحبيبة بتقول لحبيبها: حبيبي قولي كلمة توقف القلب.. قالها اخوكي وراكي!!.
- مرة دكتور اتجوز دكتورة كتبوا كتابهم على روشتة.
- واحد بيعاكس واحده وبيقول لها: مستعجل ليه ياغزال إيه وراك فقالت له : ورايا.. حمار!!!!.
- واحد غني بيتأتأ فراح رحله على حسابه مع اصحابه فطول السكه قاعد يقول "ن ن ن" لحد ما وصلوا قالهم " نسيت الفلوس" فرجعوا طول الطريق قاعد يقول "ك ك ك" فلما وصلوا قالهم " كنت باضحك عليكم".
- اجتمع ثلاثة من البخلاء وقرروا التبرع بجزء من مالهم بعدما كثر كلام الناس عليهم .. قال البخيل الأول : سأرسم دائرة على الأرض وأرمي المال في السماء فالمال الذي يسقط بداخلها لي، والمال الذي يسقط خارجها للفقراء !.
قال الثاني : أما أنا فسأرسم خطاً على الأرض . وأرمي المال في السماء، فالمال الذي على يمين الخط لي والمال الذي على شمال الخط للفقراء !!، فقال الثالث وكان أشدهم بخلاً أما أنا فسأرمي المال في السماء، فالمال الذي يسقط على الأرض لي، والمال الذي يبقى في السماء فللفقراء !!!.
<TABLE id=Table3 cellSpacing=0 cellPadding=0 width=300 border=0>




<TR>
<td id=tdPic></TD></TR>
<TR>
<td class=nhs id=tdPicComment dir=rtl align=middle></TD></TR></TABLE>
- مرة واحد غبي قال لأبوه: عايز آخذ نوكيا قال له:على جثتى حتاخد بنت عمك.
- ايه الفرق بين الاسبوع وموس الحلاقة والصحراء ..الاجابة ان الاسبوع فيه حد ، والموس فيه حدين، والصحراء ما فيهاش حد.
- سواق ماشى على الطريق فقابل واحد لابس احمر فى احمر فشاور له فوقف السواق.. وقال له: انت مين وعايز ايه.. قال له: انا الفرفور الاحمر وعايزك توصلنى.. فقال له: لا مبوصلش فرافير ومشى وسابة.. وشوية قابل واحد لابس اصفر فى اصفر وبيشاور له فوقف.. وقال له: انت مين و عايز ايه.. قال له: انا الفرفور الاصفر وعايزك توصلنى.. فقال له: لا مبركبش فرافير.. ومشى و سابة شوية وقابل واحد لابس اخضر فى اخضر عمل معاه نفس الحكاية.. فالسواق سابة ومشى شوية كمان كده.. وقابل واحد لابس ابيض فى ابيض بيشاور له فالسواق وقف.. وقال له: يا ترى انت بقى الفرفور الابيض .. فقال له: الراجل فرفور ايه رخصك يا حبيبي.
- مسطول بيسأل صاحبه فقال له تتوقع ان الجمعة يوافق آخر الشهر ؟.. فرد عليه.. وقال له: لو ضغطنا عليه يمكن يوافق.
- مرة واحد بلدياتنا شال جرس الباب وركب فيبريشن.
- مرة غبي اشتري تاكسي وماشي بيه ومبسوط واحد فواحد وقفه.. وقال له تاكسي يااسطي.. قال له ايوه تاكسي.. وكمل مشي.
- راجل متجوز عنده دولاب فى البيت ممنوع أى حد يفتحه ومراته حيقتلها الفضول وعاوزه تعرف الدولاب فيه ايه لكن الرجل مش مديها أى فرصة.. المهم فضلت طول عشرين سنة منتظره الفرصة لحد ما فى يوم نسى يقفل الدولاب ونزل.. ففتحت فلقيت عشرين ألف جنيه وبيضتين فجريت على جوزها وسألته عن سر الموضوع ده وأصرت انها تعرف.. فقال لها: اقولك بس توعدينى انك تسامحينى .. قالت أوعدك.. فقالها الصراحة: انا كنت كل ما أخونك أجيب بيضة و أحطها فى الدولاب.. فالست قالت فى نفسها مرتين خيانة فى عشرين سنة.. ماشى سامحتك بس العشرين ألف جنيه دول بتوع إيه.. قال لها ابداً أنا كنت كل ما اكمل كرتونه أبيعها.
- واحد بخيل ابوه مات فراح يعمل نعى فى الجرنان .. فقال لهم: أقل حاجة عندكم ايه .. قالوا له : سطر واحد خمس كلمات.. قال لهم : اكتبوا رزق ينعى ولده.. قالوا له : لسه فاضل كده كلمتين
قال لهم: ويصلح راديوهات.
- راجل ومراته ساكنين جنب شريط سكة حديد.. فكل لما القطار يعدى يوقع لهم الدولاب فالزوجة زهقت.. فجابت نجار وطلبت منه يصلح الدولاب فالنجار اختبر الدولاب وقال لها ده سليم.. قالت له خش جواه ولما القطر يعدى هاتعرف العيب فين.. فسمع كلامها ودخل وبعد شويه جوزها وصل من الشغل وفتح الدولاب وفوجئ بالنجار.. فقال له انت بتعمل ايه هنا فرد عليه.. لو حلفتلك ميت يمين حتصدق انى مستنى القطر...؟.
- واحد غبي دخل محل أدوات كهربية.. فسأل صاحب المحل وقال له: عندك تلفزيونات ملونة فقال له : أيوه.. وقال له: طب أديني واحد أحـمر.


عدل سابقا من قبل ميرفت1 في السبت 01 مايو 2010, 6:38 am عدل 1 مرات (السبب : كلام زائد)
الرجوع الى أعلى الصفحة اذهب الى الأسفل
سعد مرسى
كبير المراقبين
كبير المراقبين
avatar

عدد المساهمات : 171
تاريخ التسجيل : 24/09/2009

مُساهمةموضوع: رد: نكت جديدة و قديمة   السبت 01 مايو 2010, 12:16 pm

هههههههههههههههههههههههه





الرجوع الى أعلى الصفحة اذهب الى الأسفل
 
نكت جديدة و قديمة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى مدرسة ميت الخولى مؤمن :: ۩ ۩ المنتدى الفكاهى ( اضحك معنا ) ۩ ۩ :: نكت وألغاز ومسابقات-
انتقل الى: