إلى جنة الخلد يا نوشكا !!

«غدرت بى الدنيا، وأخذتك منى فجأة، أموت عليك ولا

أملك سوى دموعى، وحزنى الذى يمزق قلبى، فأنت ابنتى

وحبيبتى ونور عينى، فيا حب عمرى افتقدتك بجنون،

وحشتنى أوى»..

ده على فكرة يا جماعة ( نعي ) مكتوب على شاهد

قبر الغالية ( نوشكا) اللي ماتت في عز شبابها بين

أحضان صاحبتها وبسؤال صديقتها عن ظروف وفاة

العزيزة نوشكا أفادت أن: نوشكا شعرت ببعض

الإجهاد فجأة وأغمى عليها وخرج لسانها مترين قدام

وحاولت إجراء بعض الإسعافات الأولية حيث أحضرت

عضمتها المفضلة ووضعتها على أنف نوشكا وحاولت

إفاقتها وعندما لم تستجب صاحت على صديقها المفضل

( مشمش) الذي أخذ في الهوهوه على نوشكا وعضها

بكل جوارحه ولكن دون رد فعل من جانبها

وبوصول الطبيب البيطري الخاص بالعائلة وبعد

الكشف خرج وعلامات الأسى والتأثر بادية على محياه

ويشد على كتف صديقتها ويربت على صديقها مشمش

( البقية في حياتكم والبركة فيكم )

وهنا أغمى على صديقتها من الصدمة وكذلك مشمش

الذي ارتمى

على الأرض كالمجنون غير مصدق وأخذها بين

أرجله الأربعة في مشهد درامي رهيب .

وتم الدفن في مركز شباب نادي الجزيرة في منطقة

الجولف وكان سرداق العزاء دليل على

الحب الذي كانت تتمتع به نوشكا

من الجميع بلا استثناء .. ومازالت صديقتها

تتذكرها بكل الخير

وتزورها بانتظام مصطحبة معها باقات الورد التي

كانت تفضلها

ووضعت على القبر تشكيلة من العضم الفاخر من

جزارة أبو أشرف ولا يوجد لدينا فروع أخرى .

طبعاً ده مش فيلم عربي ولا أجنبي ولا حتى من وحي

خيالي ولكن ناتج عن قرائتي لخبر عجيب في جريدة المصري

اليوم عما يحدث من أشياءقد لا نعرفها و يذبهل لها

الغلابة أمثالنا وتصيبهم بحالة من

الضحك الهستيري منتهياً بوصلة لا تنتهي من الغيظ

والإحباط والتعجب !!!

حاجة تغيظ بجد ( الميت كلب ) بس مش أي كلب ده كلب

الباشوات الجدد مش بتوع زمان يعني ليه كل الاحترام

والتقدير في حياته وبعد مماته ..أمال ! دي عالم

عندها وفاء حتى للحيوانات مش روح برضه ولا مش

روح ..آه هي روح فعلاً .

من أول الكلب ما يشرف بيت الباشا يلاقي دادة

مخصوص لجنابه تهننه وتشطفه وتلبسه وتدلعه وتحكيله

حدوتة قبل النوم عن الشاطر بوبي أو سنووايت

والكلاب السبعة .

وفيه دكتور خصوصي بيتابعه أسبوعياً علشان صحته

وخصوصاً مع الخوف من ظهور مرض (انفلونزا

الكلاب) ولو بسلامتها كلبة لازم تتعلم مزيكا

علشان يكون عندها ودن موسيقية ومفيش مانع من

شوية ايروبيكس مع شوية باليه على الماشي

أهم حاجة إن ليه بيت صغنن مخصوص علشان يحس إنه

مستقل بذاته ويعرف يعتمد على نفسه في الفترة

الحساسة دي

لكن عند النوم مفيش غير حضن صاحبته حبيبته يدفيه

في الشتا ويحسسه بالأمان..وأهم حاجة عدم الاختلاط

بالكلاب البيئة في العشوائيات اللي متنطورة في كل

حتة وملت البلد دول أكبر خطر عليه لأنهم ممكن

يسمموا عقله بكلام فارغ ومش حقيقي هيزعزع ثقته

بنفسه وبصحابه .

وأجمل حاجة إنه عنده الحرية المطلقة في اختيار

شريكة حياته بشرط واحد بس إنها تكون كلبة باشا

هي كمان ومن مستوى راقي زيه مش واحدة بيئة

طمعانة في ثروته ومكانته

ومش مطلوب منه حاجة غير إنه يهتم بنفسه وبصحته

ويكون وفي لصاحبه وعلى اتصال بيه دايماً في السراء

والضراء خصوصاً إن معاه خط مش كارت يعني مالوش

حجة.

لكن لما نييجي نقارن نوشكا بكلاب الشوارع ولا

السكك اللي ملهمش اسم وبياكلوا بالجزمة وبالطوب

من كل من هب ودب نلاقي مفيش مقارنة خالص .. دي

كلاب لا ليها بيت ولا مأوى ومنهوب حقها ولا ليها

نقابة تراعي مصالحها وده أقل حاجة يعني اشمعنى

الرقاصات عازين يعملوا نقابة !

وعايشين على التسول لما حد يفتكرهم ويرميلهم حتة

عضمة متمصمصة ماهو العضم غالي هو كمان ..حتى

السرقة مش جايبة همها بعد ما شالوا كل عشش

الفراخ بسبب انفلونزا الطيور آهي كانت سبوبة غير

شرعية .. ونهايتهم طلقة من السماوي أو حادثة

موتوسيكل أو طوبة في من عيل صغير تلبس في نافوخه

تجيب أجله .. ويسيبوه في الشارع لغاية ما يعفن

ويرموه في الزبالة

وآهي كده موتة وكده موتة

Admin عدد المساهمات : 189 تاريخ التسجيل : 12/09/2009

وكفايه على الغلابه النوم لو لقوا مكان

إلى جنة الخلد يا نوشكا !! 3d8015

Admin كتب:: وكفايه على الغلابه النوم لو لقوا مكان

الناس بتنام في أي مكان طالما فيه حاجة بتسترهم حتى لو ملاية
لكن ياريت يسيبوا ليهم الملاية !!!!!!!!!
أشكرك أخي الكريم